Rang Gora Karne Ka Tarika Machli Orange Juice Se Skin White Kare Ki Tips

Rang Gora Karne Ka Tarika 6 Ghazain:

Aaj main aap ko khamon ke zariye rang gora karne ka tarika bata rahon hon ye intihai acha article hai isay azma kar zaroor dekhain. Gora hona hamaray haan khawateen ka aam masla hai mukhtalif creams ya lotion jo bazaar mein mehnge damon farokht kiye jatay hain un se waqti tor par to rangat gori ho jati hai lekin is ashya ke dair pa asraat achay nahi hotay yeh asraat daano, dhabbon, chaiyon, ki soorat mein hamaray samnay atay hain koshish is baat ki karni chayie ke chehray ki rangat khuwa kaisi ho is mein nikhaar laane ke sath sath sahet mandi aur taazgee rakhnay ki koshish ki jaye is silsilay mein mutawazan ghiza behtareen kaam injaam deti hai is ke sath apne aap ko har qisam ke zehni dabao aur aasabi kasheedgi se daur rakhnay ki koshish bhi aap ke chehray par musbet asraat muratab karti hai yun tu mutawazan ghiza har aik ke liye hi intahi zurori tasawwur ki jati hai magar kuch aisi ghizain bhi hain jinhein agar aap apni roz marah ki khoraak ka hissa bana lain to is se aap ke chehray par nikhaar peda hoga aur rang bhi saaf ho ga.

1. Machli

Chiknai wali machli ya oily fish jaisay khanay jism ke liye har tarhan se mufeed aur karamad hain is liye ke jab aap machli khatay hain to aap ke jism mein biotin aur vitamin bi ban’nay ke chemicals tayyar hotay hain jo kay jism mein kayi ahem function ada karte hain yeh nah sirf fatty acid bananay ka aik ahem rukan hai balkay jism ke metabolism system ko bhi sahi rakhnay mein ahem kardar ada karta hai. Machli ke zariye ban’nay wala biotin skin ko saaf rakhnay mein bhi madad deta hai.

2. Tukham Malanga

Is jaadoyi beej mein mojood omega 3 fatty acid jism mein mojood aisay khaliyaat ko barqarar rakhnay mein madad deta hai jis se aap ki skin ki hifazat hoti hai nah sirf yeh balkay yeh skin ko qudrati moisturize bhi faraham karta hai. Tukham malanga ke sath akhrot mein bhi in fatty acid ki bharpoor aur waafar miqdaar payi jati hai agar aap sabzi khor hain tab aap ke khanon mein tukham malanga aik behtareen food saabit ho sakta hai tukham malanga mein qudrati tor par aisay ajzaa paye jatay hain jo nah sirf skin ki hifazat karte hain balkay is mein qudrati chamak bhi barqarar rakhnay mein muawin saabit hotay hain.

3. Shakarkandi Se Rang Gora Karne Ka Tarika Urdu/Hindi

Shakarkandi jisay sweet potato bhi kaha jata hai is mein qudrati tor par pani ki bharpoor miqdaar payi jati hai. Is se aap ke jism ko bohat pani milta hai aur aap ki skin aur jism mein mojood dosray kholiyaat ko dihydrate (pani ki kami ko) honay se bachata hai. Is liye maahir ghizaiyat aur is baat ka mahswara dete hain ke apni ghiza mein shukarkandi ka istemal zaroor jari rakhen kyun kay is mein mojood pani skin ke liye bohat fayda deta hai. Rangat saaf hoti hai aur jild mein qudrati tor par shadabi paia hoti hai bilkul isi terhan doosri sabzian maslan gajar, palak aur shakarkandi mein Vitamin A ki bhi waafar miqdaar hoti hai. In sabzion ke istemaal se skin mein surkhi aur tazgi peda hoti hai gajar, shukarkandi aur palak ko pakanay ki bajaye agar inhen sirf ubaal kar hi istemaal kiya jaye to is ke ache nataij jald samnay atay hain.

4. Badam

Khushk mewa jaat mein badam har terhan se chehray ke liye behtareen samjha jata hai badam mein Vitamin E ki bharpoor miqdaar payi jati hai aur Vitamin E skin ko sahet mand bananay mein ahem kardar ada karta hai. Aksar khawateen (khaas tor se working khawateen) ke chehray ki skin dhoop ki shiddat se jhulas jati hai aur aksar auqaat sun block bhi un par asar nahin karta badam mein mojood Vitamin E aap ke chehray ki jild ko dhoop ki taiz shuaon se tabah honay se bachata hai is liye yeh bhi kaha ja sakta hai ke almond kisi bhi sunscreen ka behtareen naimul badal saabit ho sakta hai.

5. Suraj Mukhi Ke Beej

Badam ki terhan suraj mukhi ke un chotay chotay beejon mein bhi Vitamin E ki waafar miqdaar mojood hoti hai jo skin ko har tarhan se sehet mand rakhnay mein ahem hain is liye apne roz maraah ke khanon mein badam ke sath sunflower seeds ka bhi istemaal rakhen aur phir is ke herat angaiz nataij apne chehray par dekhen mausam ke tagayuraat, chehray ki jild par bhi asar andaaz hotay hain aur khaliyaat toot phoot ka shikaar ho jatay hain jis ka asar chehray par bhi parta hai Vitamin E in kholiyaat ko dobarah bananay aur inhen qaim rakhnay mein bhi madadgaar saabit hota hai jis se skin mein freshness aur nikhaar paida hota hai aur skin healthy rehti hai.

6. Orange Juice Se Rang Gora Karne Ka Tarika

Orange mein qudrati tor par Vitamin C ki bharpoor miqdaar payi jati hai is ko khana ya is ka juice bana kar pina dono hi tareeqon se skin aur sahet ke liye faida mand sabit hotay hain. Orange juice jism ko pani ki kami ka shikaar nahi honay deta Vitamin C jism mein collagen bananay mein bhi ahem hai jis se aap ke jism ko bunyadi tor par protein faraham hoti hai. Orange juice mein mojood collagen antioxidants ke tor par bhi kaam karta hai jo kay nah sirf skin ki hifazat karta hai balkay jild ke kholiyaat ko tabah honay se bhi bachata hai.

اس خبر پر اپنی رائے کا اظہار کریں

اپنا تبصرہ بھیجیں