Maine Internet Se 1 Crore Kaise Kamaya How I Earn 100 Lacks

Aaj bhi yaad hai mujhe woh zamana… woh 2005 ka saal jub maine pehli baar blogger.com par apna aik blog banaya tha tab mujhe internet se paise kamanay ke bare mein khuch bhi nahin maloom tha balkeh mujhe tou ye bhi nahin pata tha ke internet se paise bhi kamaye ja sakte hain. Aisay hi waqt guzarta raha aur 2007 aya, woh bohat takleef deh waqt tha meri financial condition itni kharab thi keh aisay din bhi hotay thay keh khanay ke liye bhi khuch nahin hota tha. Itna bura waqt tha ke jis ka dil karta tha mujhe batain sunata tha aur chala jata tha par tab main yehi kehta tha waqt ka kaam hai guzarna ye tou guzar hi jaye ga magar mujhe in logon ki batain hamesha ke liye yaad reh jayain gi. Mujhe lagta hai ke bura waqt is liye ata hai ke hum ye agahi hasil kar lain ke hamare ghairon mein apnay aur apnon mein chupay hue ghair kon hain.

Meri Zindagi Kaise Badli?

Mere paas aik thaka hua computer aur mushkil se chalnay wala internet tha jis par main aksar Islamic wazaif aur internet se paise kamanay ke mutaliq search kiya karta tha. Jis se mujhe akhir kaar pata chal hi gaya ke main kis tarah se khuch paise kama sakta hon. Maine foran aik blog banaya aur adsense ke liye apply kiya aur foran mujhe aik adsense account mil gaya aur main tab is kaam mein naya tha is liye us blog par mere 1 saal mein $70 banay par google ne mera account band kar diya aur $70 dollar bhi mujhe nahin milay. Mujhe yaqeen ho gaya tha ke internet par sub khuch jhoot hai koi paise nahin miltay us doran maine bohat koshish ki ke kahin koi job mil jaye par kahin koi job na mili. 2010 aya aur mere paas aik paisa bhi nahin tha maine majboor ho kar dobara internet par search karna shuru kiya aur adsense ke reviews parhay jis se andaza hua ke log tou is se waqai payment lay rahe hain maine aik baar phir naya blog banaya aur adsense ke liye dobara apply kar diya magar tab adsense approve hona bohat mushkil tha khas tor par Pakistan mein. Par 1 maheenay ki mehnat ke baad mujhe adsense account phir mil gaya aur is baar maine din raat mehnat shuru kar di aur pura 1 month kaam karne ke baad mujhe sirf $1 aur khuch cents milay par main mehnat karta raha aur agle maheenay 10 dollar se zayada banay us ke baad 30 dollar se zayada aur phir aise hi barhtay rahe. Is baat ko dekhtay hue maine mazeed 2 – 3 aur blogs bhi bana liye jin par main laptops, aur tourist places ke bare mein bataya karta tha par mujhe SEO ke bare mein khuch pata nahin tha is liye maine blog mein khuch aisi ghaltiyan ki thien jis ke baad aik aik kar ke mere sare blogs ke links google search se deindex ho gaye. Us ke baad maine mazeed blogs banaye un ke sath bhi aisa hi hua maine internet par is ke bare mein parha tou maloom hua ke main aisi kon si ghaltiyan kar raha tha jis se meri sari mehnat zaya ho rahi thi. Maine foran SEO seekhni shuru ki, web development ke mutaliq seekhna shuru kiya. Sath hi sath maine kayi dusray tareeqay bhi talash karna shuru kiye jin se online kamaya ja sakay aur main is mein kamyab bhi hua.

MBA, Government Job Aur Internet Ki Dunya

26 january 2011 ka din tha mere paas 1 paisa bhi nahin tha kyun ke jitnay paise mujhe internet se milay thay woh kharch ho chukay thay par agle hi maheenay ke aghaz mein mujhe internet se har maheenay 10,000 se 14,000 milnay lage, maine MBA mein admission liya aur usi saal mujhe 27 April ko aik goverment ki job bhi mil gayi par MBA ke papers aur kayi dusre mamlaat ki wajah se mujhe us job ko 47 din kaam karne ke baad chorna para jis se mujhe 47 din ke 14000 rupees milay. Par us job ki wajah se main examination hall mein waqt par nahin pohanch paya tha yun mujhe examination hall mein dakhil honay ki ijazat na mili aur mera pura semester zaya ho gaya aur main dobara internet ki dunya mein kho gaya.

Islam Ne Zindagi Badal Di

2011 october ka maheena tha mujhe mere kamre ki almari se aik Islamic book mili jis mein bohat si duain aur wazaif likhe hue thay. Usi mein se maine aik wazifa parhna shuru kiya jo ke Allah Ta’ala ke 99 Namon mein se aik Naam hai. Maine itni zayada tadad mein parha ke jo agle din hona hota tha mujhe khwab mein pata chal jata tha aur khuch aisi chezain bhi maine dekhien jo main yahan abhi nahin likh raha. Main jitna Islam ke qareeb hua utni hi meri zindagi achi hoti rahi aur aisa waqt aya ke mujhe internet se lakhon rupee milnay lage.

2 Saal Mein 70 Lack Rupee

2014 tak main internet se 30 Lack rupay kama chuka tha us ke baad agle 2 saal mein maine internet par kayi tarah ke kaam kiye jin se maine 70 lack se zayada kamaye jin mein se khuch kaam jinhain kar ke mujhe amdani hasil hoi woh mandraja zail hain.

1 – Maine 2010 se 50 se zayada blogs aur websites banayien jis ke liye maine articles khareeday jis se mujhe acha profit milnay laga.

2 – Maine kayi dusri websites ke liye articles likhwa kar sale karna shuru kar diye.

3 – Maine Internet Par Teaching Shuru kar di jis mein maine kayi courses faraham kiye.

4 – Jo courses maine faraham kiye un mein maine bohat se logon ko internet se paise kamana sikhaya aur aaj woh log maheenay ke apni websites se ache paise kama rahe hain.

5 – Maine bohat se logon ko SEO sikhai aur web development ke bare mein sikhana shuru kiya.

6 – Maine website se paise kamanay ke liye 25 se 30 websites ka istemal kar ke apni website se hasil hone wali amdani mein 50% se zayada izafa kar liya.

7 – Maine urdu adab ke zariye bhi online kamanay ke liye apni websites ko use kiya aur urdu novels ke zariye paisa kamana shuru kiya.

8 – Maine jo mehnat internet par ki us ka ye faida hua ke maine kayi aisi tips khud hi seekh lien jin se main ye samajhne mein kamyab ho gaya tha ke Youtube par kaise kamyab hua jata hai. Is ka saboot ye hai ke maine April 2014 mein Youtube par apna channel banaya aur usay apni websites aur kafi secret tricks ki wajah se sirf 9 maheenay mein puri dunya se 90,000 subscribers hasil kiye aur sirf 9 maheemay mein mera LalGulab.com ka Youtube channel sub se zayada subscribers hasil karne mein Pakistan ke top 100 Youtube channels mein shamil ho gaya is waqt jub main ye tehreer likh raha hon is waqt ye channel Pakistan mein 100 baray channels mein 39th number par hai jub keh Hum Tv jesa channel dusre number par hai. Ye baray adaray hain in ke paas bari team hai zayada wasail hain jabkeh maine apni websites, seo aur kayi secret tricks ki wajah se 39th bara channel hone ka aizaz hasil kiya aur na sirf Pakistan ka 39th bara channel bana balkeh ye is waqt Youtube ki tareekh mein Pakistan mein sub se zayada dekhe janay wale channels mein 97th number par hai sirf 9 months mein is channel par maine 18,729,874 views hasil kiye. Jabkeh baqi sare channels pichlay 10 saal se Youtube par hain aur ab tak is ke adhay views bhi hasil nahin kar sake.

9 – Is ke ilawa maine apni kayi dusri services faraham kar ke bhi internet se paise kamaye ye sari services aap meri Services wale is page par bhi dekh sakte hain.

10 – Maine online jitni bhi payments hasil ki hain un ke liye maine Western Union, Paypal, Payza, Payoneer aur Easypaisa ka istemal kiya aur khuch online currency exchangers ka bhi.

11 – Maine jitna bhi ab tak online kamaya is mein sub se zayada maine apni websites se hi kamaya us ke baad maine jo online teachings faraham kien jis mein kafi courses maine bohat sare logon ko samjhaye us se maine amdani hasil ki.

12 – Maine bohat se logon ki pasand ke mutabiq un ke blogger templates banaye us se bhi maine kamaya.

13 – Maine affiliate ki dunya mein bhi qadam rakha tha jis se maine zayada nahin kamaya par phir bhi khuch amdani mujhe is se bhi hasil hoi par ab main is kaam ko thora aur time doun ga takay is mein mazeed behtari la sakon.

Online Kamanay Ke Liye Mera Experience Kya Kehta Hai

Agar tou aap lambay arsay ke liye kamana chahte hain tou maine 2005 se ab tak yehi seekha hai ke aap ke paas apni website honi chahiye is ke itnay faide hain ke agar main batana shuru karon tou shayed main aik puri kitab hi is topic par likh sakta hon. Jo log is waqt websites ke zariye kama rahe hain woh is baat se ittefaq karain ge ke agar aap ke paas organic traffic hai tou phir aap agar so bhi rahe hon tou aap ki website par aap ke liye paisa ban raha ho ga. Meri khuch sites aisi hain jin par maine 2013 se ab tak kaam nahin kiya par mujhe ab bhi un sites se 10000 se 15000 mil jata hai. Par agar internet par freelancing ya koi aur kaam karain tou aap kaam kar ke dain ge tou hi aap ko payment milay gi par organic website traffic mein aisa nahin hai. Ye internet aik alag hi dunya hai yahan paise kamanay ke hazaron tareeqay hain par bohat se log sahi guidance na honay ki wajah se pehle hi maheenay mein is kaam mein kamyab nahin ho patay ya unhain pata hi nahin hota ke kamana kis tarah hai. Is waqt bohat se log Pakistan mein websites ke zariye kama rahe hain par aksar ye nahin jantay ke woh jis tareeqay se online kama rahe hain us se kafi zayada asan tareeqay istemal kar ke woh apni websites se aur bhi zayada kama sakte hain kyun ke maine inhi khuch tareeqon ki wajah se apni earnings mein izafa kiya.

Kya Aap Bhi Internet Se Kamanay Ke Liye Mujhse Seekhna Chahta Hain?

Tarikh gawah hai ke dunya mein aaj sub se zayada jaldi ameer hone wale log internet se hi banay hain. Agar aaj ke mehangai ke zamane mein hum koi karobar shuru karna chahain tou us par croron rupee lagte hain aur ye bhi maloom nahin hota ke karobar kamyab ho ga ke nahin. Par internet par hum mukhtalif tareeqon se croron kya arbon rupay bhi kama sakte hain. Par aap internet par jo bhi kaam karain koshish ye karain ke aap ka waqt aur mehnat us mein zaya na ho is silsile mein agar aap mujhse khuch puchna chahain tou mujhe is Contact page par message kar sakte hain.

Special Thanks

Allah ki madad ki bina koi kaam nahin ho sakta Allah Ta’ala hi insan ke liye waseelay paida farmatay hain aur naye rastay kholtay hain.

Maine internet par mukhtalif websites se SEO aur Web Development ke bare mein bhi seekha tha jin ki bhi websites se seekha tha mujhe nahin pata woh kon hain par jahan bhi hai meri naik khawahishat un ke sath hain kyun ke agar unhon ki faraham karda informations mujhe na miltien tou aaj main ye article na likh raha hota.

Woh tamam visitors jo meri sites par visit kar chukay hain.

Meri videos aur sites ke tamam subscribers.

Mere tamam facebook pages aur tamam groups ke members.

My brother Umer jis ne meri soch se zayada mera sath diya.

Special Thanks to my friends Ahmad and Asif.

Woh tamam log jin ki duaon mein main raha hon ya hon.

Aur woh khuch bohat hi khas log jinhon ne mera tab sath diya tha jub mera kisi ne sath nahin diya tha Allah aap sub ko bohat khush rakhain Aameen.

This Is Not The End

Is article ko main In Sha Allah update karta rahon ga aur yahan mazeed apni internet journey ke bare mein batata rahon ga aur jo naye tareeqay istemal kar ke main online earnings karon ga In Sha Allah un tamam tareeqon ke mutaliq bhi batata rahon ga.

کیٹاگری میں : صحت

اس خبر پر اپنی رائے کا اظہار کریں

28 تبصرے “Maine Internet Se 1 Crore Kaise Kamaya How I Earn 100 Lacks

  1. very nice, iam so intersting, main b bht time sy try kr rhi hn kai jaga ma pesy b zaya keye lken koi acha rspos n mila, main bht needy hn please help

    1. Thank you, aap ki tarah aur bhi bohat se logon ne online paise kharch kiye par successful is liye nahin rahe kyun ke unhain sahi maloomat nahin hai ke karna kya hai. Uper left side par contact ki option hai aap mujhe wahan se contact karain main aap ko batata hon ke aap kya karain.

    1. W/s beshumar methods hain paisa bananay ke main koshish karon ga ke is ke liye bhi aik alehda article publish karon takeh aap ke aur dusre logon ke liye asani rahe. Aap upwork ki website par ja kar apne talent se related koi kaam hasil kar sakte hain aur is ke ilawa aap apni english ki website bhi shuru kar ke earn kar sakte hain.

    1. rozana 1000 baar Bismillah puri parhain ya 1 ghanta rozana Ya Ghaniyu parhain ya phir 4000 baar Ya Wahhabu roz parhain aur ye khayal rahe ke nagha na ho.

    1. maine yahan aur bhi logon ko reply kiya hai agar aap ki problem un comments se solve ho jaye tou achi baat hai agar nahin hoti tou aap batayain kya help chahiye aap ko

  2. Assalam O Alaikum brother

    Brother mein Attock hon aur apka YouTube Channel LalGulab subscribed kia hua hai bhut phele ka. Aaj apka yeh article parh k pata chala k channel LalGulab b apka hai.
    Apki story ko parh k muje ehsas hua k really Sachi mehnat ho tu sab khuch possible hai aur phir Allah aza-wajal ki madad b hu tu phir kia he kehne! Allah meri madad b farmaye jis tarhan apki madad Allah ne ki Ameen!!
    Bhai mere Halaat b taqrebaan apke Halaat se milte hain plz help me too.
    Aur Allah k name wala woh wazifa jo aap ne b kia tha muje bata dein ta k mein b kar sakon. Allah Apko iska Aja-e-Azeemata farmayega, Inshallah!!
    Thank you

    1. Walaikum us Salam 5 waqt ki namaz parhain aur jitna zayada ho sakay Ya Ghaniyu ka ya phir Ya Wahhabu ka wird karain aur sahi talafuz se parhain aur yaqeen ke sath.

      1. Bhai yeh wazaif kisi khas Shareit se parhne hain ya jesse b Jahan b aur jitna b parh lein?

        2nd muje b koi online kamane ka method bata dein freelance wagira ya koi aur!

        Jazakallah khaira

        1. 5 waqt ki namaz lazmi parhain aur jitna zayada parhain utna behtar hai aur online earnings ke liye aap odesk visit karain is ke ilawa agar aap apni website bana lain tou aur bhi acha hai

  3. ap meri b help kren kchh krna chahti hu m js cy mje income b ho r mje koi support b kry please koi idea den ap.

  4. SALAM YE sub kis tarahan se hoga plzzz batden mujhy is bare me bilkul bhi information nhi hamary halaat bhttt kaharab hein papa ki income itni nhi hai k halat behtar ho saken jobs se bhi itni income nhi hai mehnat bhttt hai papa ko mouth cancer is waja se bhi hm bhttt pareshan rehty hein plzzzzzzzzzz help meee

  5. ASLAM Sir ap ka artical muje acha laga or muje khushi hai ap ki mehnat rang lae hai ab muje kia ap bata sakte hai kese or kon se step by step ham payse kese kama le or kis traha se apni mehnat ko bacha or ap ki kia timing hai ap se kase rabta kia jae kindly reply me,,,,,,,,,,,,,,,,,,,,

    1. W/s pehle tou Ahmed Ali aap ye faisla karain ke aap kon sa kaam kar sakte hain online main aap ko us ki details bata doun ga wese agar aap english website shuru karain tou ye behtareen aur faide mand hai.

    1. W/s main koshish karon ga keh jald hi aik article isi website par publish karon jis mein online paise banane ke mutaliq main tafseel se bataon takeh woh log jo pehle online nahin kama sake unhain bhi asani ho

  6. AOA
    Bhai mein student hun and belong North Pakistan se ktra hun. Mujhy kch ideas de k kya krna chye . Mujhy web designing wgera ni ati. kitni investment krni hogi ? kya krna chye . reply kren thora preshan hun financially suffer krha hun ajkal .

  7. Sir im regularly watching your videos on lalgulab.com ..Sir ap ye ju videos banatay hain istarah ap is par ik video banaye keh ap kis tarah videos banatay hain .for example konsa softwares use krtay hain voice over k lye kia krtay ,ghrapics kaise banatay hain.Do it Practically Sir.it will really help us…

    1. shayed mustaqbil mein agar kabhi time mila tou is bare mein bhi koi article ya video isi website par publish karnay ki koshish karon ga

اپنا تبصرہ بھیجیں