Pur Israr Muqamaat Jahan Janay Ki Ijazat Nahin

Aisay Pur Israr Muqamaat Jahan Janay Ki Ijazat Nahin

Jahan aik janib dunya mein bohat se aisay khubsurat aur haseen muqamaat hain jin ki sair ko sayahon ki aik bari tadad jati hai wahin dusri taraf is sar zameen par chand pur israr places aisi bhi hain jahan dakhlay ki ijazat sirf chand makhsoos logon ke ilawa kisi ko hasil nahin. In muqamaat ke hawalay se thori bohat maloomat dunya ke samne paish ki gayi hain lekin woh itni kam hain keh un ka hona ya na hona barabar hai. Aur isi wajah se ye muqamaat pur israr ho gaye hain aiye aise hi muqamaat ke bare mein jantay hain.

America Ki Khufia Panah Gah


Ye amreeci hakumat ki khufia panah gah hai jo virginia ke paharon ke neechay waqe hai. Ye center kisi bhi mulk mein hone wali tabahi ya hungami surathaal mein mulk ke nazam ko chalaye rakhne ke liye tameer kiya gaya hai. Is center ke khuch hisay zameen ke uper bhi tameer hain. Yahan ke apne qawaneen hain jin ki pasdari har insan par lazim hai is center mein kisi bhi ghair mutalqa insan ka dakhla sakhti se mana hai.

Norway Ki Masnoi Sarung

Norway ke jazeeray Spitsbergen mein ye sarung 120 meter gehrai mein tameer ki gayi hai aur is masnoi sarung mein aab o hawa ko control karne ka system laga hua hai jis ki madad se yahan ka darja hararat mustaqil manfi 18 °C rakha jata hai jabkeh sarung mein nami ki sharah ko bhi intihai kam rakha gaya hai. Is sarung mein mukhtalif seeds ke containers rakhe gaye hain. Is jagah par dunya ke tamam mumalik ke zarati wirse ko mehfooz banaya gaya hai takeh kisi bhi mausamyati hadse ki wajah se agar zaraat ka nazam tabah hota hai tou inhi beejon ki madad se isay dobrara bahaal kiya ja sake. Yehi wajah hai keh is sarung mein kisi bhi shakhs ko dakhil hone ki ijazat nahin hai.

Amazon Ke Daryaft Hone Wale Gaon

Amazon ke janglaat mein guzashta kayi sadiiyon se aisay qabail abad hain jinhein bahar ki dunya ki koi khabar nahin. Yahan aisay 14 qabail abad hain jinhein jungle se bahar ki duniya ka nah to koi tajarbah hai aur nah hi koi maloomat. In qabail ka tarz e zindagi sirf zaraat ke gird hi ghoomta hai.Mehqiqeen ne yahan 8 gaon daryaft kiye hain jin ki majmoi abadi 2000 se zayed afraad par mushtamil hai in ki hifazat aur is tarz e zindagi ko mehfooz bananay ke liye hakaam ne in maqamat par logon ka dakhla mamnu kar rakha hai.

Club 33

1967 mein Volt Disney ne aik aisa club qaim kiya jahan sirf dunya ke maqbool tareen sarmaya kaar, mumtaz awaami shakhsiyaat aur sayasatdan aik hi chhat ke neechay jama ho saktay hain. Aap ko kabhi bhi is club mein daakhil honay ki dawat nahi di ja sakti aur nah hi koi is club ke pur asraar darwazon se guzar sakta hai. Agar phir bhi aap is club mein daakhil honay mein dilchaspi rakhtay hain to phir aap ko is ki membership hasil karne ke liye na sirf aik bhari raqam ada karna paray gi balkay 14 saal ka taweel intizaar bhi karna paray ga.

Spain Ka Jazeera

Ye jazeera spain ke sahil ke sath waqay Balearic jazair mein se aik hai. Yeh zameen par mojood teesra sab se ziyada taaqatwar geomatric taqat ka hamil maqam hai. Pehlay number par bermuda triangle aur dusray number par qutub shumali hain. Is jazeeray par koi dhaati zakhair mojood nahi balkay yahan aatish fishan chatanein mojood hain. Yahan technology bhi nakaam hai aur durust simt maloom karne ke liye compass par bhi aitmaad nahin kiya ja sakta. Is jazeeray se mutaliq mutadid afsanwi kahaniyan bhi mojood hain. Spain ki hukoomat ne is jazeeray mein dakhla mukammal tor par mamnoo qarar de rakha hai.

اس خبر پر اپنی رائے کا اظہار کریں

اپنا تبصرہ بھیجیں