Visa Free Countries For Pakistan

Free Free Countries For Pakistan 2017-2018 Without Visa Entry For Pakistani Passport

Pakistanio Ke Liye Visa Free Khubsorat Mumalik – On Arrival Visa For Pakistani Passport Asia duniya ka sub se zayada abadi wala bar-e-azam honay ke ilawa dunya ke mutadid khobsorat aur purkashish mumalik ka ghar bhi hai dilchasp baat yeh hai ke agar aap Pakistan mein rehtay hain to aap asia ke chand khobsorat mumalik ki sair baghair visa hasil kiye bhi kar saktay hain jee haan chand khobsorat asia ke mumalik mein dakhlay ke liye Pakistani awam ko pehlay se visa hasil karne ki zaroorat nahin kyun kay un mumalik mein dakhlay par Pakistani awam ko mutaliqa mulik ke immigration ki janib se foran wahein visa jari kar diya jata hai.

Iran

Iran apni qudrati khoubsurti aur tareekhi maqamat ke hawalay se duniya bhar mein shohrat rakhta hai. Iran ka shumaar duniya ke behtareen sayahati maqamat mein hota hai yahan kayi qadeem shehron ke khandraat bhi mojood hain. Is ke ilawa Iran mein kayi aisay resorts, saqafati maqamat aur muqami bazaar bhi mojood hain jo dekhnay se taluq rakhtay hain. Yahan bahera murdaar ka shandaar nazarah bhi kar saktay hain Pakistani logon ko Iran ki sair ke liye pehlay se visa hasil karne ki zaroorat nahin hoti unhain Iran pohanchne par 15 din ka visa jari kar diya jata hai.

Sri lanka

Sri lanka bahrِ e hind mein aik chootey se jazeeray par waqay mulk hai yeh mulk apne dilkash barsati janglaat, phalnay phoolnay wali jungli hayaat, pur kashish sahilon aur qadeem khandrat ki wajah se jana jata hai yahan mutadid aisay maqamat hain jahan ki sair ki ja sakti hai jaisay ke Sri Lanka ka Jaffna nami shehar jahan ke khanay mazaydar, log dilchasp aur saqafat herat angaiz hai is ke ilawa Colombo jisay sahilon ka shehar bhi kaha jata hai mein aap ko kayi khobsorat sahil dekhnay ko mlitay hain. Sri Lanka main ki sair ke liye bhi aap ko pehlay se visa hasil karne ki zaroorat nahi balkay jab aap Sri Lanka pahunchte hain to aap ko hakkaam ki janib se 30 roz ka visa jari kar diya jata hai.

Macau

Macau china ke aik barray se khushki ke tukre par waqay aik jazeera numa mulk hai yeh chhota sa mulk apni mutasir kun unchi emaratain dostana ravaiye ke hamil afraad aur tareekhi khandrat ke hawalay se jana jata hai. Pakistani logon ko is mulk mein bhi dakhlay ke liye pehlay se visa ki zaroorat nahi aur yahan pohanchnay par immigration hakkaam ki janib se 30 din ka visa jari kar diya jata hai.

Timor-Leste

Timor-Leste aik shandaar jazeeray par waqay mulk hai aur yahan aap ko unginat khubsurat qudrati manazir dekhnay ko miltay hain. Is mulk ke samandron ka saaf o shafaaf pani aur purkashish sahil zaroor sayahon ko apni janib mutwajjah karte hain is ke ilawa yahan kayi sar sabz pahar aur na hamwar chatanein bhi mojood hain jo dekhnay walon ko aik khushgawar ehsas bakhshti hain. Pakistani awam ko is mulk ki sair ke liye bhi pehlay se visa hasil karne zaroorat nahin yahan pahunchte hi immigration hakkaam ki taraf se 30 days ka visa mil jata hai.

Nepal

Nepal ko sayahat ke hawalay se aik behtareen maqam qarar diya jata hai yahan aap kheelon ki mukhtalif sargarmion ke ilawa mutadid qudrati khubsurat nazaron se bhi lutf andooz ho saktay hain. Pakistani awam ko nepal janay ke liye bhi pehlay se visa ki zaroorat nahin kyun ke Nepal pohanchne par 3 months ka visa jari kar diya jata hai.

Maldives

Maldives sayahon ke darmain sab se mashoor tareen sayahati maqam hai aur har sayah aik martaba yahan ki sair ki khwahish zaroor rakhta hai yahan pur kashish aur saaf o shafaaf sahil hain aur ye sasta mulk bhi hai ye sayahat ke hawalay se aik behtareen intikhab sabit ho sakta hai. Maldives is sair ke liye Pakistani awam ke Maldives mein dakhlay ke baad immigration hakkaam ki janib se 30 din ka visa milta hai.

اس خبر پر اپنی رائے کا اظہار کریں

اپنا تبصرہ بھیجیں