Samandar Kitna Gehra Hai

Samandar Kitna Gehra Hai Samundar Ki Gehrai Kitni Hai Urdu Hindi

Kya aap jante hain keh samandar kitna gehra hai, samandar ki gehrai mein kya kya manzar hote hain, samandar ki kitni gehrai mein kon kon si khatarnak samandari makhlooq hoti hain, insan samandar ki gehrai mein bina zaroori alaat ke kahan tak ja sakta hai, samandar mein suraj ki roshni kahan tak pohanch sakti hai, 1912 mein doobne wale jahaz titanic ka malba samandar mein kitni gehrai mein para hua hai aur dubai mein mojood buland o bala emarat burj khalifa aur dunya ka sub se bara pahar agar samandar mein daal diya jaye tou kya ye samandar mein mukammal tor par doob jayain ge ke nahin aur agar aap in sub baton ke bare mein nahin jante tou is dilchas mazmoon ko pura zaroor parhain kyun ke ye article aap ko samandar ki dunya ki aisi gehraiyon mein lay jaye ga keh samandar ki dunya aur gehrai aap ko hairan kar de gi.

How Deep Is Sea In Urdu – سمندر کتنا گہرا ہے اس کے گہرائی کتنی ہے

Jub hum bohat bari aur deo haykal cheezon ki baat karte hain tou aam tor par hamari nazar ird gird jati hai is kainaat par parti hai lekin hamari nazaron se samandar ojhal hi rehta hai. Samandar ki dunya insan ki soch se kahin zayada bari hai. Hum puri zameen aur is ke tamam maal o asbab daal kar bhi samundar ki gehrai khatam nahin kar sakte balkeh is ke baad bhi samandar 2 kilo meter gehra ho ga. Jee haan taqreeban burj al khalifa ko aik dusre ke uper rakhne jitna gehra.

Samandar hamare sayare par aik pur israr tareen dunya hai jis ka abhi tak sirf 5% hisa daryaft ho saka hai baqi 95% kisi ne nahin dekha. Samandar kitna gehra hai is ka andaza is baat se bhi lagaya ja sakta hai keh agar dunya ke buland o bala maqamaat ko hamwar kar ke samandar ke gehre maqamat ko pur kiya jaye tou zameen ki satah samandar ki satah aab se 2 meel nechay ho jaye gi.

Insan kisi bhi samandar mein 100 meter ki gehrai tak ja sakta hai aur agar is se bhi nechay koi samandar ki dunya mein jaye ga tou woh us ke liye intihai khatarnak ho ga balkeh agar koi 100 meter tak bhi samandar ki gehrai mein jaye aur us ke paas zaroori alaat na hon tou yahan tak jana bhi us ke liye khatarnak ho sakta hai.

Free diving mein world record 214 meter ka hai is record ko banane wala itni gehrai tak sirf aik saans mein gaya tha ye gehrai samandar ki dunya ki woh gehrai hai jahan moot insan ka har lamhe intzar kar rahi hoti hai ye karnama sar anjam dena har kisi ke bas ki baat nahin hai.

Aaeye ab khatarnak samandar mein adha kilo meter gehrai mein chalte hain yani Samandar mein 500 meter ki gehrai mein ye woh samandar ki dunya hai jahan blue whale ki pohanch hai is ke ilawa samandar mein 500 meter ki is gehrai tak US Seawolf-class nuclear abdooz ki pohanch bhi hai.

Yahan se 35 meter aur nichay chalain tou samandar ki ye 535 meter ki gehrai hai yahan tak penguine pohanch sakte hain jo neeli whale ki pohanch se 35 meter aur gehrai mein hai. Is jagah pani ka dabao itna zayada hota hai jese 5 rupee ke sikay ke uper aik qutbi reech khara hua ho. Yahan jo dabao 5 rupee ka sika bardasht kare ga insani jism par pani ka dabao utna hota hai. Andaza laga lain keh agar baghair hifazati saman ke yahan tak koi pohanche tou us ke kitne tukre hon ge.

Agar hum yahan se samandar ki gehrai mein mazeed neechay jayain 830 meter ki gehrai mein tou ye woh jagah hai jahan hum agar buland o bala imarat burj khaliya ko daal dain tou samandar mein 830 meter ki gehrai tak dooba hua puray ka pura burj khalifa samandar ke kinare par kharay kisi shakhs ko nazar bhi nahin aye ga.

Khair mazeed nechay chalte hain yani khaufnak samandar mein 1000 meter ki gehrai mein jo keh wehshat naak samandar mein 1 kilo meters ki gehrai hai. Ye woh jagah hai jahan samandar ka roop aur bhi khaufnak hota hai. Sochain zara ke din ka waqt ho aur aap samandar ki 1 kilo meter ki gehrai mein hon aur uper se khatarnak samandari makhlooq mojood ho aur har taraf andhera hi andhera ho tou samandar ka manzar kitni dehshat naak ho ga. G haan samandar mein 1000 meter ki ye gehrai wohi dehshat naak jagah hai kyun keh yahan se agey suraj ki roshni sath nahin deti yani yahan dunya ka har samandar is waqt andhere mein dooba hua hai kyun ke yahan tak suraj ki roshni pohanch hi nahin sakti. 100 meter yani 1 kilo meter ki is gehrai mein pani ka dabao itna hota hai goya insan sayarah zohrah par khara ho yani fori moot.
Agar pani ka itna zayada dabao kisi ko halak na bhi kare tou yahan par khatarnak samandar ki makhlooq squid payi jati hai itni gehrai aur andhere mein is se machna na mumkin hai yehi wajah hai keh ye khaufnak ilaqa hai.

Samandar mein 1280 meter ki gehrai mein pohanchain tou is ilaqe mein samandari kachwon ki pohanch hai. Samandar mein mazeed nechay 2000 meter ki gehrai mein chalte hain yani 2 km ki gehrai yahan black dragon fish mojood hoti hai. Is se bhi nechay jayain tou 2250 meter ki gehrai mein sperm whale aur khoofnak samandari makhlooq colossal squid mojood hoti hai. In colossal squid ki lambai 14 meter aur wazan 750 gram tak hota hai jabkeh in ki ankhon ka size dinner plate jitna hota hai.

Samandar ki mazeed gehrai mein utrain tou 3800 meter ki gehrai mein mashoor e zamana jahaz titanic ka dhancha mojood hai. Ye jahaz 14 april 1912 ki raat 11:40 minute par aik iceberg se takraya tha aur jis mein 1500 ke qareeb musafir samandar ke sard paniyon mein doob gaye thay aur ye jahaz iceberg se takranay ke theek 2 ghante aur 40 minute baad toot kar 2 hison mein taqseem hua aur hamesha hamesha ke liye samandar ki gehraiyon mein ja pohancha. 3800 meter ki gehrai se aur neechay 4000 meter ki gehrai mein jayain tou pani ka dabao 11000 pound fee muraba inch hota hai. Is gehrai aur pani ke shadeed dabao ke bawajood yahan ajeeb o ghareeb machliyan aur samandari makhlooq mojood hoti hain. Ye ilaqa samandar mein 4 kilo meter gehrai mein hai. Samandar ki gehrai ka andaza is baat se laga lain ke abhi ye samandar ki gehrai ka adha hisa bhi nahin hai abhi samandar ki gehrai is se bhi kahin agey hai.

Dunya ke tamam samandaron ki osat gehrai napi jaye tou ye 4267 meters banti hai lekin yahan se sub se zayada gehrai mein janay ke liye ab bhi 6733 meters ka safar baqi hai. Yani agar mount everest pahar bhi samandar ke andar daal diya jaye tou bhi us pahar ka pata nahin chale ga keh kahan gaya.

Aaeye ab 2 km samandar mein aur agey chalte hain yani 6 km ki gehrai mein yani 6000 meters ki gehrai mein yahan pani ka dabao itna zayada hota hai keh jese kisi shakhs par aik sath 50 jambo jet 747 tayare rakh diye jayain. 6500 meter ki gehrai us abdoz ki had pohanch hai jis ne 1985 mein dooba hua titanic jahaz daryaft kiya tha.
Is se pehle 1960 mein khasoosi abdoozon ke zariye 10888 meters aur 10916 meters ki gehrai tak pohanche thay. Unhain yahan tak pohanchne mein 5 ghante se zayada lage thay magar woh yahan abdooz ki khidki tootne ki wajah se sirf 20 minute hi thehar sake aur wapas aa gaye.

roe zameen par sub se gehra maqam maraina trech behrul kahil mein waqe hai jis ki gehrai 10994 meters hai yani 36070 foot is ka matlab ye hua ke samandar 10.994 km gehra hai yani hum keh sakte hain ke samandar mein sub se nichlay maqaam tak jana ho tou us ke liye 11 kilo meters ka fasla tay karna pare ga.

Samandar kitna gehra hai is ko aik aur tareeqe se janne ki koshish karte hain keh 10972 meter woh ausat bulandi hai jahan tijarati hawai jahaz parwaz karte kar sakte hain. Agar kabhi aap itni bulandi par hawai jahaz mein parwaz kar rahe hon tou zameen ki taraf dekh kar samandar ki gehrai ka andaza kar sakte hain. Dilchasp baat ye hai keh samandaron ke bohat se maqamat aise hain jahan tak insanon ki rasai nahin ho saki. Mahireen ke mutabiq unhon ne samandaron ke sirf 5% hisay ki darust maping ki hai baqi 95% par kaam karna baqi hai.

اس خبر پر اپنی رائے کا اظہار کریں

اپنا تبصرہ بھیجیں