93

9 Aam Cheeze Jo Aap Ko Jald Boorha Bna Dain

Kya aap apni umar se ziyada barray nazar atay hain? agar haan tu jeneati pechidgion se qata nazar roz marrah ki zindagi ke mutadid anasir aisay hotay hain jo qabal az waqt burhapay ka baais bantay hain.
Agar aap aaiine mein aisa manzar dekhna nahi chahtay to apni roz marrah ki aadaat mein tabdeeli lana hi sab se behtareen tareeqa car saabit ho ga.
Aisi chand aadaat ke baray mein janye jo aap ko jald boorha kar sakti hain.

Kam Chikni Ghiza:
Umar ki teesri ya chothi dahai mein jhuriyon se bachney ke liye zurori hai ke aap ki ghiza mein omega three fatty acids shaamil hon taakay jild hamwar aur sahet mand rahay agar ghiza low fate hogi to hum omega three fatty acids se mahroom reh jayen ge jis ke nateejay mein jild qabal az waqt burhapay ka shikaar ho jaye gi.

Astra Ke Zariye Mashroob Piinaa:
Kisi mashroob ko astra ke zariye pi kar aap danton ko to daagh lagnay se bcha skte hain magar hont sukarnay ka yeh amal aankhon aur chehray ke ird gird jhuriyan parney ka sabab zaroor ban jata hai tu glass ke zariye piinaa ziyada behtar hai aur haan tambaku noshi ke aadi afraad ko bhi is maslay ka saamna karna parta hai.

Pehlu Ke Bal Sona:
Pehlu ke bal sonay jab aap ka chehra aik janib se takiye mein dhansa huwa hota hai jis ke nateejay mein galoon aur thori mein jhuriyon ka khatrah barh jata hai, tibbi mahireen ka kehna hai ke chit laytna neend ke liye sab se behtareen andaaz hai jo ke jism ko jawan, taaza dam aur pursukoon rakhta hai.

Bhaithne Ka Andaaz:
Bhaithne ka naaqis andaaz reerh ki haddi par dbao berhata hai jis ke nateejay mein muscles aur haddiyan ghair maa’mooli had taq tnaao ka shikaar ho jati hain, taweel almayad bunyadon par is ka asar dard aur thakawat ki shakal mein nikalta hai aur yeh aksar mustaqil budnumaai ki shakal ikhtiyar kar leta hai.

Ziyada Waqt Baith Kar Guzaarna:
Din bhar mein bohat ziyada baithna aap ko qabal az waqt burhapay ka shikaar bana deta hai yeh pehlay hi saabit ho chuka hai ke bohat ziyada waqt baith kar guzaarna mutadid amraaz jaisay motapay, amraaz qalb, diabities, cancer yahan taq ke qabal az waqt mout ka baais bhi ban sakta hai magar guzashta dinon samnay anay wali tahaqeeq ke mutabiq ziyada der taq baithna insani jism ki umar par bhi manfi andaaz se asraat muratab karta hai aur yeh jismani umar ko asal umar ke muqablay mein bohat ziyada barha deta hai ya aasaan alfaaz mein apna ziyada waqt baith kar guzaarna aap ko barson pehlay boorha kar sakta hai.

Cheeni Ka Ziyada Istemaal:
Meethi ashiya kis ko pasand nahi hoti magar yeh jismani wazan mein izafay ke sath sath aap ke chehray ki umar bhi barha deti hain sugar ya cheeni ziyada istemaal ki wajah se hamaray kholiyaat se munsalik ho jati hai aur is ke nateejay mein chehray se surkhi gayab ho jati hai aur aankhon ke neechay gehray halqay ubhar atay hain isi terhan jhuriyan aur halki lakerain bhi chehray ko boorha bana deti hain aisa nahi ke cheeni ko mukammal tour par zindagi se nikaal den magar to meethi ashiya se kuch guraiz aap ke chehray ki chamak barqarar rakhnay mein madadgaar saabit hota hai.
Bohat Ziyada TV Dekhna:
Aik tahaqeeq ke mutabiq rozana chaar ghantay TV dekhna zindagi ki muddat mein 22 minute ki kami kar daita hai, isi terhan jo afraad rozana ausatan chay ghantay tea dekhte hain woh is aadat se door rehne walay afraad ke muqablay mein paanch saal kam zindah reh paate hain is ki wajah hai ke TV dekhnay ke liye aap ziyada tar baithy rehtay hain, jis ke baais jism sugar ko hamaray kholiyaat mein jama karna shoru kar daita hai jis se motapay ka khatrah barh jata hai is se bachney ka aik tareeqa to yeh hai ke agar aap TV dekh rahay ho to har tees minute baad kuch der ke liye uth kar chehal qadmi bhi karen.

Neend Ki Kami:
Kam sona nah sirf aankhon ke gird badnuma halqon ka sabab bantaa hai balkay yeh zindagi ki muddat bhi kam kar daita hai rozana saat ghantay se kam neend lainay ki aadat din bhar kam tawanai, zehni susti, tavajja markooz rakhnay mein mushkilaat ya motapay waghera ka sabab ban jati hai.

Zehni Tnaao:
Mutadid tehqeeqi reports mein yeh saabit ho chuka hai ke bohat ziyada tnaao jismani kholiyaat ko sangeen nuqsaan pohanchata hai aur is ke nateejay mein burhapay ki janib safar taiz ho jata hai taweel almayad bunyadon par shadeed tnaao aap ko nojawani mein hi boorha dikhaane lagta hai.

کیٹاگری میں : صحت

اس پوسٹ پر اپنی رائے کا اظہار کریں

اپنا تبصرہ بھیجیں